Late Shri Jhamandas Fatumal Purswani

Author : Shri Gehimal Bhagumal Sanai (Jogmaya)
Translated by : Gangaram Shamdas Purswani

भाई झामनदास फतूमल उन्हन झूनन बुर्जगन मां हिकु हुओ जिनि असांजे जातिअ में सिजागीअ जी लहिर आंदी ऐं वक्त बि वक्त सुधारा आन्दा। हु असांजे जातीअ जो सुखान हुओ। शाह साहिब जो कलाम आहे त ‘ ततीअ थदीअ काहि – कान्हे वेल विहण जी ’ इहो कलाम भाई झामनदास सां बराबर लगी थे अचे। भाईजिनि अञा नवजवान हुओ त खेसि उहिदो ऐं जमीनी शेवा जो कार्य हिकई वक्त मिल्यो। खेंसि मुखियून जी पंचायत खा बाहिर ठहियल जातीअ जी पहिरी संस्था खुदाबादी सोनारा ऐसोसियेशन (1921) जे प्रेजिडन्ट जो उहिदो ऐं भाई खूबचंद सावलाणील वआ मिल्यिल (साहयता) कार्य जो जमीनी कमु हिकई वक्त मिल्यो। जदहि खेसि प्रेजिडन्ट चूंडियो वियो त उथी प्रतिज्ञा कयाई त 12 महीनन अन्दर ओगर करे जातीअ जी पंगती ऐं समाजी कार्यन लाइ हिक जाइ जरूर वठन्दासी ऐं थियों बि इएं। बराबर जुलाई 1922 में जाइ खरीद कई वेई। भाई खूबचंद सावलाणी जो छदियल ऐं सौपियल साहयता कार्य भाई झामनदास लगातार कन्दो रहियो, कहिखे बि सुध कोन दिनाई त किथां पैसो पियो अचे ऐं कहिंखे पियो दिजे।

‘अन्तु न दिजे आम खे-लोकां कजे लज’

कांग्रेस जे हल्चल जे दौरान 1935 धारे जदंहि खुदाबादी नवजवान मण्डल बि ठहियो हुओ तदंहि सिन्ध में शादियुन में शराब ऐं गोश्त जे वाहिये ऐं वधदर देतीअ – लेतीअ खिलाफ माहौल पैदा कयाई। जातीअ में साथु न मिलण जे हालत में भंभराई बुर्जगंन ऐं जालुन खां पुछा गाछा करे घटियल देती – लेतीअ जा नियम ठाहियाई ऐं पोइ उहे चैपड़ीअ जे रूप में छपाए पधिरा कयाई, चैपड़ी जे हिक पासे सिन्धीअ में ऐ बिए पासे जालुन जी सवलाइअ लाइ गुरूमुखीअ में। चैपड़ीअ में हिक नियम हुओ त कुवारेकम जां थाल्ह सफा बन्द। भाई झामनदास नवन कायदन खे बहाल करण लाइ वदी कुर्बानी देखारी। खेसि उन्ह वक्त कुंवारेकम जां थाल्ह आया। हिन थाल वापिस किया खेसि मायटिअ जो जवाबु (टोरण) दियण जी धमकी दिन्ही वेइ। सागिया थाल्ह खेसि बियो दफो मुकल्यिां विया। उहे हिन वठी पोइ गांयेन खे खाराए छदियां। अहिडों हो भाई झामनदास उसूलन जो पको।

बी महाभारी लड़ाइअ वक्त महांगाईअ जे करे सोनारन जी हालत खराब थियण लगी। धराणियूं वधियूं कोन। उन वक्त सभिनि सोनारन जी जेका ऐसोशियेशन ठही हुई (1942) उन मे बि भाई झामनदास जो चडो योगदान हुओ।

विरहाडे वक्त भाई झामनदास खे वरी धुरजाउ कुटम्बन खे हिन्दुस्तान मोकलण जो ओनो लगो। उन वक्त पूज पंचायत जी गोथरिअ में बाकी पैसा बचियल हुआ उहे पूज्य बुर्जगंन खेसि दिना उनमें बिया पैसा बि विझी केतिरन धुरूजाउ कुटुम्बन खें हिन्दुस्तान (जयपुर) मोकिलियाई।
हिन्दुस्थान ऐं पाकिस्तान जी लद पलाण खां पोई असांजी नियात जा जयपुर में शुरूआत में सिर्फ 5 धर हुआ (1) भाई टैहिलराम रीजूमल हिंगोरानी (2) भाई चंचलदास केशवदास हिंगोरानी (3) भाई टीकमदास भोजराज भंभराई (4) भाई लोकूमल वैनसीमल बुबकाई (5) भाई गेहीमल बगुमल सनाई। बिया पोई आहिस्ते आहिस्ते ईन्दा विया। जिनमा के शहर में रहिया ऐं के दुर्गापुरा कैंप में रहिया। उनका पोई जल्द ही भाई झामनदास फत्तूमल भंभराई आयो ऐं पाण सां किन विधवाउन ऐं गरीबन खे बि कुछ लद पलाण लाए खर्च दई वठी आयो ऐं कुछ पंचायती गिल्म ऐं बासण बि खणी आयो जे उन वक्त नियातियुन खे दाडा कम आया। के नियाती भाउर अजमेर, बड़ौदे, नवसारी, इन्दौर, बम्बई, मद्रास ऐं कल्याण कैंप वगैरह पासे वजी रहिया जिनमा केतरन वरी लद पलाण करे अची जयपुर वसाई। उन वक्त केतरन भाउरन जी हालत बिलकुल खराब हुई एं पूरो कमाई जो वसीलो बि कौन हो। उन वक्त गरीबन ऐं विधवाउन जी हालत दिसी भाई झामनदास मुहिंजे घर आयो एं संदस अख्यिुन में गोड़ा हुआ एं चहियांई गेही गरीबन एं विधवाउन लाए कुछ करण धुरजे। उन वक्त सरकार वसाइण वारो खातो खोलियो एं गरीबन एं गुरजाउन खे गट में गट 15 रुपया महीनें में रोकड़ा दियण जो फैसलो कयो हुओ। उन जो वज वठी भाई झामनदास मूंसा सलाई कई एं मदद गुरी। मूं खेस उन सवाब जे कम में साथ दियण जो अंजाम कयो एहरीह तरह भाई साहब रोज के दरखवासतूं खणी सुबुह जो सवेल मूंह वट इन्दो हुओ जे खणी श्री मेघाणी वट वेंदा हुआसीं जो उन वक्त पुरूषार्थी पंचायत जो प्रधान हो एं खेस सरकार सिफारिश करण लाए मुकरर कयो हुओ। उन खा सिफारिश करे वसाइन वारे खाते में खणी वेन्दा हुआसीं। उन वक्त वसाईण वारे खाते जो डारेकटर श्री मलकाणी एं जयपुर लाए डिप्टी डारेक्टर श्री विशनदास शिवदासाणी, प्रोफेसर धनश्याम जो बाउ हुओ जे बई मुंसा गद हैदराबाद जेल में हुआ ऐं कांग्रेस जो कम गदजी कयो हुओसीं। उन नाते जे करे मुहिंजो उनन सां चडों रस्तो हुओ । मां एं भाई झामनदास पाण सां गरीबन एं विधवाउन जूं दरखासतूं खणी वटिन वेंधा हुआ सीं ऐं खेन समझाएं दरखास्तूं मंझूर कराए इन्दा हुआसीं जे भातियुन एं हालतुन सारो 15 रुपयन खां वठी 50 रुपयन तांई मंजूर कंदा हुआ। जे धुरजाउन खे महिने सर महिने मिलंदा रहंदा हुआ एं उन वक्त खेन कुछ हथी मिलदी हुई । उहो जमनो बि सस्ताई जो हुओ। नियाणिन जी शादी लाई 50 खां 100 तांई रोकड़ी मदद मिलंदी हुई। हुआ बि केतरन खे वठी दिनी वई मुहिंजी जाण मुजिब अटकल 1300 रुपया महीने में असांजी नियातियुन खे मिलंदा हुआ जिनजी लिस्ट भाई झामनदास वट रख्यिल हुई । जिनंखे मदद मिलंदी हुई उनन मां केतरा त हिन वक्त पूज्य जोग माया जी कृपा सां पहिंजियुन जगहउन वारा आहिन। पूज्य योग माया अनयाबि शल खेन वधाई एं रीजाए।

जेतरे कदुर मुखे जाण आहे त भाई झामनदास केतरन गरीबन एं विधवाउन खे खर्च पखा दई पाकिस्तान मां लदायो जो खेण बाड़े खर्च जेतरो पैसा बि कोन हुआ जे अजबि भाई झामदास ज आभारी आहिन। भाई खूचबन्द पुरसूमल सांवालाणी जे परलोक पधारजण खां पोई विधवा फंड एं गरीबन जी परगोर लहण लाई भाई झामनदास ते कम रखे वियो जहिं उहो कम बिलकुल जफाकशी एं लगन सा हलायो एं जयपुर में बि ईहो कम जारी रख्यिो। इन कम लाए पैसे जी मदद खपंदी हुई जा खेस विलायत मां के सिंधवर्की भाउर मोकलींदा हुआ एं को सिंधवर्की विलायत मां लवंदो हुओ उन वट वजी खेस समझाए कुछ ना कुछ वठी ईन्दो हुओ एं वक्त बे वक्त बम्बई एं मद्रास जा चक्कर पियो हणदो हुआ। खेस गरीबन जी चंगी झोरी लगल हुंउदी हुई उन कम लाई हिक कमेटी हुंदी हुई जहिंजा मुख्य मेम्बर हुआ (1) भाई झामनदास पाण (2) भाई ठाकुदास तीर्थदास हिंगोरानी (3) भाई परमानंद मेंघराज वसनाणी। आहिड़ी तरह भाई झामनदास चंगो वारा वजाए वियो। हू सादी रहणी रहंदो एं सदांई नाम उचारिंदो हुओ। गरीबन जी दिलयुन में अजबि हुन जी याद ताजी आहे एं खेस याद करे आसीसा दींदा रहंदा आहिन त पूज्य जोग माया खेस पहिंजे चरणन में निवास दींदी एं सदंस आत्मा हमेशा सुखी रहंदी।

पाण जदहिं जयपुर में आया ऐं उन वकत विद्याधर का रास्ता जी हिक नवाब जी हवेली में हिक अटे जी चक्की हलन्दण हुई। उहा भाई टीकमदास भोजराज पुरूस्वाणी ऐं भाई झामनदास जे गद्यिल कोशशुन सां उन खे कुझ पैसा दई खाली करायाऊं पोइ घुरजाउ भाउरिन खे उते विहारे थांईको कयाऊं। He assisted to developed Panchayati Hall on open space in the middle of Nawab ki Haweli ground and for purpose of social
gatherings, Nawratra Jagratra and Panchayati meetings. सहायता कार्य वरी बि जारी रखियाई। हिक लिडांगा इन कम लाए डा. चैइथराम गिदवाणी सां गदिजिण लाई दिल्लीअ सन्दसि व´ण थियो। बस मां लहन्द किरी पियो ऐं टंग मां रत वहण लगुंस।

कंडा मूं पेरन मे-तोडे़ लख लगन’

पर कार्य बंद कोन कयाई। गिला पचडौ़ं बुघ्यिूं अणबुघ्यिूं करे हुअ धुरूजाउं कुटम्बन जी सेवा कन्दो रहियो। भाई झामनदास जो भजन भाव दांह बि लाड़ो हुन्दो हुओ। हैदराबाद में सन्दसि भजन भाव जा साथी हुआ, श्री पोहूमल हसराजानी, श्री तीर्थदास पुरूस्वाणी, होतचन्द मछहटाई ऐं हिकु गैर नियाती मोटूभगत

आखिर 82 सालनि जी उम्र में नियात जो भाई खूबचंद जे जमाने खां वठी जरूरतमन्दन जी साहयता कन्दडु असांजो हीउ जमीनी लीडर 18 फरवरी, 1961 ते हमेशा लाइ जमीन ते लेटी पियो। ऐं पंजन ततन में समाइजी वियो।

‘संदो दारीअ कोटु – अदियो अदिबो केतिरो ?’