Late Shri Jhamandas Aildas Tanwani

Author: Gehimal Bhagumal Sanai (Jogmaya)

Translated by : Gangaram Shamdas Purswani

भाई झमनदास खे असुल हैदराबाद सिंध में सोनारिको दुकान हो। कुछ वक्त खां पोईं भाई लालचंद डेटाराम होतवाणी ( ठाठारी ) सां भाईवारी में सोनारन जी गिटीअ में सोनारिको दुकान हलायाऊँ। थोरन सानल खां पोईं भाईवारी छदायाऊँ उन खां पोईं भाई झमनदास जो सुनारिके धंधे खां ध्यान घटिजी वियो। ए जवाहरत जो धंधो शुरू कयाऊँ। संदसि दिलचिस्पी हिरन जे धंधे में कान हुई पर पन्ना, नीलम, पेरुजा, माणिक ए नथन जूं चुनयूं वठंदो ए विकरदो हुओ। उन धंधे जे खियाल खा दिल्ली, आगरो, कानपूर, लखनऊ ए इलाहाबाद जा वक्त बे वक्त चक्कर पियो हणदा हुआ। मिलिणो फसीह जबान दलीलन जो पक्को ए हिन्दी जो जाणु हूंदो हो। सदाई हिन्दी अख़बरूं पियो धुराईंदो ए पढंडो हो। आज़ाद ख़यालिन जो हो। वटिस केबि भाउर मिटियुन माइटियुन जे लाए वेन्दा हुआ त उनन खे मोटाईदो कोन हो। पहिंजो कीमती वक्त देई ए पहिंजा भाड़ा खर्च करे बी उनन जा काम कंदो हो। उनन दिहंन में मिटियुन माइटियुन जी दादी तकलीफ हुंदी हुई। तहिंखा सिवाई बिनि धूरियुनि जा के ब तकरार हूंदा हुआ त उनन खे ठाईण में वसां कोन घटाईंदो हो। उन कम में वक्ते बियन खां मदद वठणी 10 पबंदी हुअस त उनन वट पंद भेरा करे धुरियुनि जा ठा कराईंदो हो। को अनर्थ जो कम थींदो हो त खेस दादो गुस्सो लगंदो हो उन जा के मिसाल ही आहिन जिनजा केब नाला दियण वाजिब नाहे। अटकल 1940 जी गाल्ह आहे त हिक वदे कुटुम्ब वारन ब छोकरियूं मडायूं हुयूं पर छोकरा उम्र में हिसाब खां कुछ नंढ़ा हुआ। मंडणे खां पोई 12 महीना गुजरी विया त कुवांरेतन गोटेतन खां धुर कई त विहाएं बियो, पर गोटेतन चयो त छोकरो अन्या सालखन नंढ़ा आहिन। उननि दीहंन में शारदा एक्ट पास थियो त छोकरो 18 सालन खां ए छोकरी 16 सालन खां नंढी न हुजे। गोटेतन चयो त मतां कोई दुश्मनी करे चुगली हणे त असीं बी तकलीफ में अची वेंदा सी ए गिलाह बी थींदी हिन करे साल खण तारसो। हिन विच में हिकडे खारु खबर अची पहिंजे टंग अड़ाई ए कुवांरेती धुर खे चयो त इते माइटी टोइडियो त मा तव्हां खे बियो घर तो वठी दियां। एं कुवांरेतन खे बरिगिलाईण में कामयाब थियो। ईहा खबर जदहिं भाई झमनदास खे पई त खेस दादो दुख थियो तहिं रात जो वजु वठी छोकरियुन जे पिउ खे समझायो जोतिणिक छोकरियुन जो पिउ बी माइटी तोड़न जे खिलाफ हो पर वदन सा अदब जे करे गालहे नथे सगो तहिंते भाई झमनदास खेस अहिड़ो त समझाए एं मंझिस ईतरो त जोश पैदा कयो उन पहिंजे वदन खे अदब लाए खुलियो खुलाये चयो त छोकरियुन जो पिउ माँ आहियां एं जेकी तव्हां करियो था उहो मुखे कबूल नाहे। माँ पहिंजे धर्म ते अदल रहण तो चाहियें। हिक साल त छा पर भले ब साल गुजरी वजन मुखे पहिंजुनि छोकरियुन जो विहउं करणो आहे त उनन छोकरिन सां जिते मंडयल आहिन आखिर धर्म जी जय थी एं छोकरियू उते पणियूं जिते मंडयल हुयूं। जे हिन वक्त तमान सुखियूं आहिन एं मद्रास में सुखिये सहिंजे घर में आहिन।

भाई झमनदास जी जुबान में संदसि समजाईण में जादू जहिड़ो असर हूंदो हो।